IBISA SCHOOL SPORT ONLINE

Event description

School sport online ta un initiative di IBiSA initiative pa promove deporte, salud, recreacion y movemento na tur e scol nan na ARUBA.

informacion general:

●       Un siman prome cu e actividad cuminsa, IBiSA lo percura pa manda un video cu ta demonstra e actividad y tambe splika con ta e forma corecto pa hasi’e.

●       Si tin cualkier pregunta tocante e actividad, e cabesante, docente di gym of docente di klas lo tuma contacto cu e coordinador di e sector.

●       Durante e dos simannan di e actividad tur mucha mag participa serca nan docente di gym. E docent di gym por scoge pa hasi esaki como parti di su gym les, den pauze of despues di ora di scol.

●       Despues cu tur mucha haña un chens pa obtene un score, e docente di gym ta scoge e miho 3 di cada categoria y nan lo hasi e actividad un biaha mas pero e biaha aki lo tuma un video di cada mucha sigiendo e instruccionnan cu a wordo menciona den e video di demonstracion.

●       Docente di gym lo percura pa upload e video di e miho 3 nan di cada categoria riba YouTube. Esaki por wordo hasi den un manera cu publico general no lo wak e.

●       E video di e miho 3 nan di cada categoria hunto cu nan score lo wordo registra riba Competition Corner. Ora di pone e score online, no lo uza number di e muchanan sino e nomber di e scol. y e mucha nan lo tal: studiante 1 , studiante 2 y studiante 3.

●       IBiSA na su turno lo ricibi e videonan aki y revisa nan pa wak si e score ta cuadra.

●       Na conclusion di Evento 1, 2 y 3 IBiSA lo saca un scol campeon y sub campeon pa tur categoria.